2024  թվականի ապրիլի 25-ին ՀՀ վճռաբեկ դատարանի վարչական պալատը ուժի մեջ է թողել թիվ ՎԴ/0693/05/21 վարչական գործով ըստ հայցի «Յուքոմ» փակ բաժնետիրական ընկերության ընդդեմ Հայաստանի Հանրապետության մրցակցության պաշտպանության հանձնաժողովի գործով ՀՀ վերաքննիչ վարչական դատարանի որոշումը:

Մասնավորապես,  Վերաքննիչ վարչական դատարանը վճռել է «Թիմ» ՓԲ ընկերության կողմից «Վեոն Արմենիա» ընկերության բաժնետոմսերի ձեռքբերմանն ուղղված գործողությունները որպես չբացահայտված տեղեկատվության օգտագործմամբ և ֆիդուցիար պարտավորությունների խախտման դրսևորմամբ անբարեխիղճ մրցակցություն որակելուն  ՀՀ մրցակցության պաշտպանության հանձնաժողովին   պարտավորեցնելու մասին հայցը  բավարարել։ 

Գործը քննվել է դռնփակ՝ հաշվի առնելով առևտրային գաղտնիք հանդիսացող տեղեկատվության պաշտպանության անհրաժեշտությունը, հետևաբար «Յուքոմ» ՓԲ ընկերության՝ հավելյալ պարզաբանումներ տրամադրելու հնարավորությունը սահմանափակ է: